طلق بن زاروط العازمي وسعيد القحم المطيري ( الداب الاسود )

[بو فيصل]

طلق بن زاروط العازمي
هلا يا مرحبا في حفل غالي من الروح
اخوي ومحزمي من صواديف الليالـي
ارحب بالمعازيم واللي غاب مسمـوح
تراحيب السعـد فالبعيـد وفالموالـي








سعيد القحم المطيري
يدوم ابك البقا من هجوس وهرج منضوح
عدد مادن صوت الرعد وسـط الخيالـي
صدور الناس قامت مغير تهيض وتفـوح
وماجـاب الجنوبـي يوديـه الشمالـي









طلق بن زاروط العازمي
نبي ناخذ ونعطي وباب العرف مفتوح
وانا احب الاجابه على نفس السؤالي
سفينة نوح معروفةٍ بأسم النبي نـوح
وهذي قبل وقت بن غانـم والهلالـي









سعيد القحم المطيري
يا زين العلم لن كان لك بالعلم مصلوح
يضويلك مكاسب ويجمع راس مالـي
ليا منك وردت البحر دوح البحر دوح
وباقي العلم مدسوس ببطون الليالـي









طلق بن زاروط العازمي
ترى طرح الثقه مايجي والأمر مطروح
وأنا خابرك تخشى مناقيـد الرجالـي
أجنب عن طريق الخطأ لو كان مدموح
وانا ماني معلمك ويش اللـي جرالـي









سعيد القحم المطيري
بني سالم يحطونها في وجيه مسـروح
وانا رجال لـي حيلـةٍ تفتـك حالـي
عسى الله يبقي الحي واللي مات مبيوح
وانا وياك في عـز ربـي والظلالـي









طلق بن زاروط العازمي
الا ياهاجسي منت حاجة نصح ونصوح
اعرف إمطير ربعٍ يعقـدون الحبالـي
صواديف الليالي تجيب افراح وجروح
حضر للحفل غالي ومن هو غاب غالي









سعيد القحم المطيري
الا يالعازمي دوك علمي واسمعه واوح
انا جيتك على الرجل ومنكس عقالـي

[فهد اليامي]

الله الله

هذي الطواريق والا بلاش

صح السان العازمي والمطيري
شعراء مبدعين ولاهانوا

[ابو شافي]

تسلم يابو فيصل على النقل

الشاعر طلق بن زاروط

هذا الشاعر كل ما اسمع له طاروق اتلمس فيه المحاورات الحقيقيه

الله يوفقه في قلطه الوطن واتمنى ان اراه يلعب في كل حلقه للنهايه

الله يوفقك يابن زاروط والى الامام وقبيلتك معك وارق اسنود

[مرجان hg]

تسلم بوفيصل هيضت الغرام
انشهد بن زاروط شاعر ويستاهل التصويت 23

[العازمي حفيد هوازن]

شكرا لراعي العشوا والمطيري ...

[مطيري ساس]

صحت السنت الشعار المطيري والعازمي
شـكــ وبارك الله فيك ـــرا لك ... لك مني أجمل تحية .

[ميموني وفتخر]

يستاهل شاعر الكويت

طلق بن زاروط