قصيدة نمش الشمري في ذيب الشمري(رحلة المليون)

[شاعر]

هنا

http://www.up.alammod.com//download.php?filename=f5809c23d7.amr



(( ذيب الشمري ورحلة المليون ))
ياناس ياللي عندكم حس وشعور=بالصوت ( ذيب الشمري ) .. صوتوا له
هو الذي شعره كما الدّر منثور=الدّر .. منه وفيه .. والدّر قوله
بالعزم والهمه .. والابداع مشهور=والنادر من احلى المعاني يقوله
ماهو من اللي في معانيه محصور=لا والله الجزلات تطلب قبوله
له موقفٍ بين الجماهير مخبور=اعدا عداه اليا وقف صفقوا له
في حنكة المعنى له ابواع وشبور=والموقف الكايد.. ابد مايهوله
هو الذي بالشعر .. كم رد طابور=واتعب سلاطين الشعر واخضعوا له
إليا احتمى الموقف وجاء للبطل دور=دش السباق وجاب كاس البطوله
ماهو مثل مطلق ولا مثل مستور=والنعم بالاثنين شعر ورجوله
لاشك ذيب لمنهج الشعر دستور=هو العلم .. وان كان للشعر دوله
والشعر له علّه ..وللشعر دكتور=ومن يمرضه شعره عسى ذيب حوله
وياناس ياللي عندكم حس وشعور=بالله ذيب الشمري .. صوتوا له



.
.
الشاعر / نمش الشمري

( للعلم محاورة ذيب الشمري في تاريخ
9/5/2008 يوم الجمعه الساعه 10 )

[وليد العمودي]

بارك الله فيك على النقل والله يسلم لسان الشاعر نمش على القصيده المشجعه..
ماعليكم زود انت والشاعر نمش ..
وحبكم للشاعر ذيب الشمري اللي هو والدي صدقني هو اكبر مشجّع ومحفز لجعل الوالد يقدم اجمل مالديه وانت بوصلة الشاعر لانكم انت من تشجعونه والشاعر لولا محبينه ومشجعينه مايظهر ويقدم الشئ اللي يرضيهم..

[بنت الأصول]

تســـــلم أخي العزيز على هذا النقل الطيب
وإن شـــاء الله يكون للناس حس وشعور مثل مايقول شاعرنا نمش الشمري،،
وأتمنى لبو وليــــد التوفيق والدعم موجود بإذن الله..
وماقصرت .....

[شاعر]

اخوي وليد شكرا لك ولحضورك وان شاء الله بإذن الله باللي ماتنام عينه ان البيرق كويتي وللشاعر ذيب الشمري والله يوفق ذيب الشمري وين ماكان في الكره الارضيه ويستر عليه شاعر الكويت الاول في القلطه وومثلها خير تمثيل وشاعر الشمال الاول في القلطه وممثلها خير تمثيل .. وشاعر شمر الاول وممثلها خير تمثيل ..وشاعر الكل وشاعر القلوب وشاعر الوطن بإذن الله..
الاول ذيب الشمري
الاول ذيب الشمري

[مشاري الحبيجان]

الله يوفق ذيب الشمري
وفاله المليون

[عادل-العجمي]

يستاهل ابو وليد المدح والتصويت

[سناعيس]

الاول ذيب الشمري بلا منافس
شعرياً وتصويت