قصيده مؤثره كتبتها أم لإبنها

[بنت الأصول]

قسوة إبــــــــن

وين إنت ياحمدان أمك تناديك وراك ماتسمع شكايه وندايه
يامسندي قلبي على الدوم يطريك ماغبت عن عيني وطيفك سمايه
هذي ثلاث سنين والعين تبكيك ماشفت زولك زاير ياضنايه
تذكر حياتي يوم أشيلك واداريك وألاعبك دايم وتمشي ورايه
ترقد على صوتي وحضني يدفيك ماغيرك أحد ساكن في حشايه
وليا مرضت أسهر بقربك وأداويك ماذوق طعم النوم صبح ومسايه
ياما عطيتك من حناني وبعطيك تكبر وتكبر بالأمل يامنايه
لكن خساره بعتني اليوم وشفيك وأخلصت للزوجه وأنا لي شقايه
أنا أدري فيها قاسيه ماتخليك قالت عجوز مابيها معايه
خليتني وسط المصحه وأنا أرجيك هذا جزا المعروف وهذا جزايه
ياليتني خدامه بين أياديك عشان أشوفك كل يوم برضايه
مشكور ياوليدي وتشكر مساعيك وأدعي لك الله دايم بالهدايه
حمدان ياحمدان أمك توصيك أخاف ماتلحق تشوف الوصايه
أوصيت دكتور المصحه بيعطيك رسالتي وحروفها من بكايه
وإن مت لاتبخل علي بدعاويك واطلب لي الغفران وهذا رجايه
وامطر تراب القبر بدموع عينيك ماعاد ينفعك الندم بالنهايه

،،،،،،،،،،

[مغرورهـ]

تسلمين اختي ,, بنت الأصول ,, على هالقصيدهـ المؤثره ,,

وتقبلي تحياتي ومروري..

[بنت الأصول]

تحيــــــــــــــاتي لج يالغاليه ،،،
وشكــــرا على المرور..

[عادل-العجمي]

السلام عليكم ورحمة الله وبركاته مشكوره واجد يا بنت الاصول والله انج كفو صج بنت الاصول يا رب تغفر لنا من خطايا الزمن يارب ترضا ونرضى الوالدين امين مشكوره ولا تقصرين فى مثل هالقصايد تكفين