........اقتراح........

[vavavoom]

السلام عليكم....
عندي اقتراح :
ليش الجمهور عنده نسبة تصويت اكثر من لجنة التحكيم...
انا اعتقد لجنة التحكيم اهيا اجدر بالقرار لان الجمهور قاعدين يصوتون على اساس قبلي.. يعني حتى لو ولد قبيلتهم غلط و طلع عن القافية هم قاعدين يصوتونله و ينجحونه...
انا مو قاعدة اقول ما نخلي الجمهور يصوت .. بس قاعدة اقول ان تاخذ لجنة التحكيم نسبة اكبر...
و سلامتكم :)

[فهد اليامي]

كلام صحيح وفي محله نرجوا الخذ بالاقتراح


وانا مؤيد وبقوه
ترى ماخرب البرامج هذي الا العنصريه


وشكرا

[القلطه نت]

انشاالله اخوانا اللي محتكين اكثر منا في القائمين على البرنامج يوصلون لهم هذا الاقتراح بس اكيد ماراح يقومون فيه الا السنه الجايه على خير لانه اذا بدوا فيه الحين راح ينظلم فيها الشعارالسابقين اللي ما حالفهم الحظ في التصويت ولكن تحكيم اللجنه كان منصف جدا ولكن التصويت يلعب دور ................

[وليد العمودي]

اخي العزيز كلامك صحيح لو ما تطرقت لموضوع ان الشاعر اللي غلط بالقافيه كأنك تقول لايستحق التصويت ..وانا اقول يستحق فلو فعلا الشاعر المقابل صوّتوا له قبيلته كان اقل شئ جاب نسبه تقريبيه للشاعر مو تطلع نسبته فوق نسبة اللجنه بكم درجه يعني محد صوّت له .. وهذا يرجع لقلة خبرة الشاعر في امور تحفيز الجمهور واجتماعه مع قبليته للتصويت له .اخي العزيز ان كان تنظر من زواية الشعر فلك ان ترى اكبر دليل على المسابقات ليس الشئ الاساسي فيها الشعر انما الفاصل الوحيد هو اس ام اس .. والدليل في شاعر المليون فاز من لم نتوقع فوزه .. والدليل ان السالفه ماهي شعر .. معلومتك نتمنى ان تصل ..

[vavavoom]

شكرا على ردودكم اخوتي الافاضل..

بالنسبة لاخوي العمودي و انا ما اقصد و آسفة اذا ما وصلت معلومتي بشكل صحيح
انا قصدي ان احنا كمستمعين يمكن ما نملك اسس تقييمية مثل اصحاب الخبرة و جذيه يمكن يخسر شاعر كان احق بالوصول بسبب ان ابناء قبيلته اقل عددا او مافزعوله على قولتهم .... و سلامتكم