طلق بن زاروط العازمي وسفر الدغيلبي العتيبي

[بو فيصل]

طلق بن زاروط العازمي



نيابه عن هل الصيت واهل الطيب والجود
هـلا يـا مرحبـا فالبعيـد وفالموالـي

ليا صار العتيبي مـع الشعـار موجـود
تراه يعوضنـي فالمطيـري والشمالـي




سفر الدغيلبي العتيبي



يدوم الك البقى والعلوم صدور وورود
نبي نارد ونشرب من الجم الزلالـي


بعد بكره يزين الربيع ويخضر العود
لعل الله يقرب حلالـك مـن حلالـي




طلق بن زاروط العازمي



رجال المعرفه يا سفر تبحث عن الفود
وهذي ميزت الناس من ماضي الليالي


تجنب يا طويل العمر والدرب مقعـود
تبا تنصح عيالك تجنب عـن عيالـي




سفر الدغيلبي العتيبي



ترى ماضر غصن العنب لو طاح عنقود
سقط عنقود حامض بقى عنقود حالـي


انا احشمكم يا جيرانا عن كـل منقـود
واسوق الشر لو اني اخسر راسي مالي




طلق بن زاروط العازمي



تولم للمعاني وبـه قاصـد ومقصـود
قبل لا يسري الليل ويطـول الجدالـي


وسيعين المعرفه تعرف النقصد والزود
وهذي قبل عصر المهلهل والهلالـي




سفر الدغيلبي العتيبي



ورى اهل الحسد لطيبين اقلوبهم سود
يغرون العـرب بالعمامـه والعقالـي


خطاك انك تجامل وتبذل كل مجهـود
وهذي خلتك ممسين في جـو خالـي




طلق بن زاروط العازمي



انا اللي عارفٍ سيرتك يا شاه مسعود
روايه والروايه على العالـم تقالـي


انا شاعر وفاهم وعان العالم شهـود
لو انه ضاق بالك ترى ماضاق بالي




سفر الدغيلبي العتيبي



بعد هذي بقاطعك واجازيـك بصـدود
غنين عنك لو انـي اسافـر لحالـي


على شان العوازم طلق ما عنه منشود
تقول الناس غالي ولو ماهـو بغالـي




طلق بن زاروط العازمي



يقولون العتيبي يحـك العـود بالعـود
رحل يم الجنوبي بعد عـاف الشمالـي


على شان الجماهير باب العرف مسدود
ابا عقد الحبالي وابـا احـل الحبالـي




سفر الدغيلبي العتيبي



احك العود بالعود يطلع منـه بـارود
وبعد الحك منتا بـدارٍ وش طرالـي


اشوف اسباع فالدرا مير اسباعٍ ارقود
سلمنا من سباعٍ على روس الجبالـي




طلق بن زاروط العازمي



طرالك ما طرالك وتبشر وانت مقرود
يقولون الاجابه على نفس السؤالـي


تركد يالعتيبي ترى قدامـك افهـود
ليا جاك الفهد سبقكم سبق الغزالـي




سفر الدغيلبي العتيبي



انا ما اطلعت من محزمي لو كان عبرود
يكفيني عصن تخبط اجنـوب الجمالـي


لكن بنشدك يا صاحبي متى انت مولود
على شانك تعانـد كريميـن السبالـي






واتمنى انه يحوز على رضاكم

[العنزي]

لاهنت يا ابو فيصل


شـكــ وبارك الله فيك ـــرا لك ... لك مني أجمل تحية .

[فهد اليامي]

هذا الحفل في منطقه الرقه قبل اكثر عامين وكان سوار الذهب ومحمد الشمالي
معزومين ولم يحضروا وسرا الليل بين بن زاروط والدغيلبي وكان اللعب للساعه ثلاث
وكان فيه موال ياليت تنقله لنا يابو فيصل
.................................................. .
والله اني من اشد المعجبين بالشاعر طلق العازمي
ولايهون سفر ولاتهون انت يابوفيصل
وانا اشوف ان قبيلة العوازم راح من بعير وطلع بعده بعير
والله يوفق الجميع لما يحبه ويرضاه



....
,,,, فهد اليامي

[بو فيصل]

العنزي حياك الله



والعفو طال عمرك




وشاكر لك المرور

[بو فيصل]

فهد اليامي


اولا شكرا لك على هذا الكلام الطيب وسفر وطلق شعراء غنيين عن التعريف




وبالنسبه لكلامك نعم كانت في الرقه وكلامك صحيح




وبالنسبه للموال كان بينهم موالين الاول بداه سفر اللي بدايته (( الانتخابات باقي قبلها مده ..... الخ ))
والثاني اللي بداه طلق وكانت بدايته (( قم يا سفر ماعد فيه امجامله ..... الخ ))


ما ادري اي واحد تقصد لكن اوعدك انزل الموال عن قريب




وشكرا لمرورك

[غصاب]

يا سلااااااااااااااااام طاروق ولا أروع

صح ألسان الشاعرين

والله يوفق أبن زاروط بالبرنامج وخير من يمثل الكويت

[غزاي الدوسري]

لعب ماعلية ممتاز

شعراء لهم ثقلهم في الساحة الدغيلبي والعازمي

لعب ممتع إلى أبعد الحدود والله يسلم الشعار على المعاني الطيبة

[فهد اليامي]

بوفيصل حياك الله

لاهنت على متابعة الموضوع والمشاركات الطيبه بالمنتدى

بالنسبه للموال اللي انا طلبت كان اللي باديه سفر يطلب فيه العوازم ان يوقفون مع
المرشح سعدون العتيبي.. بعد حل مجلس الامه 2006
ورد عليه بن زاروط ردا جامد اثار الملعبه وتضايق الدغيلبي منه

ارجوا نقله لنا اذا امكن واتمنى اذا للحفل هذا شريط يباع بالتسجيلات ارجو المساعده

مع شكري وتقديري واحترامي لك طال عمرك


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,اخوك اليامي

[بو فيصل]

تسلم يا غصاب



وصح الله ابدنك



والله يوفق الجميع وجزاك الله خير

[بو فيصل]

غازي الدوسري



تسلم والله يعطيك العافيه على المشاركة والكلام الطيب



وحياك الله

[بو فيصل]

فهد اليامي



حياك الله اخوي
وبالنسبه للموال هذا عز الله انه خوش لحن من سفر وكان الحن جديد وامتاز به سفر

للعلم كان فيها طلق بن زاروط ومتعب الفقيعي العازمي وسفر الدغيلبي

بالنسبه للشريط هو موجود بالحسام اللي بالفحيحيل وهو حفل السدحان العازمي بالرقه
ما ادري انت كويتي او سعودي عشان اذا سعودي اعتقد انه نازل برياض الصمان ماني متاكد
لكن متاكد انه في الفحيحيل


واتمنى اني فدتك بالشي هذا


وشكرا لك مره اخري وحياك الله


اخوك بو فيصل

[فهد اليامي]

اشكرك بوفيصل من كل قلبي

على الافاده واتمنى للشاعر طلق بن زاروط انه ياخذ المليون


اهو والا فلاح القرقاح كلهم واحد والله


ولاهنت يالغالي

[راعي العشوى]

بيض الله وجهك يابوفيصل

والله يوفق الشاعر طلق بن زاروط

[فيصل الطشه]

اللــه يعطيك العافيه على المحاوره الروعه كان موجود فيها نواف العازمي الله يرحمه وكان موجود فهد متعب العازمي وكان اسوار الذهب موجود الي هووو عبدالله الميزاني والله يبيض وجهك على المحاوره

اخوكم//فيصل الطشــه

[غصاب]

قوااااااك الله يابو فيصل

والشاعر طلق بن زارووط

مالة الا بياض الوجة

والله انة جزل والفزعة للجزل

ارسلوووووووو يالنشاما تكفووووووووون نبي البيرق لطلق بن زاروط والكويت

[ابو شافي]

تسلم يابو فيصل على النقل

الشاعر طلق بن زاروط

هذا الشاعر كل ما اسمع له طاروق اتلمس فيه المحاورات الحقيقيه

الله يوفقه في قلطه الوطن واتمنى ان اراه يلعب في كل حلقه للنهايه

الله يوفقك يابن زاروط والى الامام وقبيلتك معك وارق اسنود