وليد العمودي
03-20-2008, 03:21 AM
حل الخبـر وأنهـارت المعنويـه
وأمسيت مثل اللي سقط باسفل البير
رجل ٍ ورد له عد بأرض ٍ خليّـه
بس الحمام الراعبـي والعصافيـر
وزل القدم من فوق جـال الركيـه
وهوى من الأعلى مثل هوية الطير
اشعر بضعف الاحرف الابجديـه
ماعـاد تعطينـي معانـي وتعبيـر
في موت عبدالله عريـب السميـه
صاب الشلل عندي جميع التفاكيـر
بـأم الجماجـم صادفتـه المنيـه
أمر ٍ مقدر مـن ولـي المقاديـر
الشاعـر اللـي يملـك الجاذبيـه
تبكي عليـه الملعبـة والجماهيـر
اللـي عليهـا يضفـي القابلـيـه
تتليـه عشّـاق المعانـي طوابيـر
لامن وقف بين الصفـوف القويـه
زاد الحماس وفجر اللعب تفجيـر
تجـي تعابيـره سريـه سـريـه
مثل الدروع مسطحات الجنازيـر
بالنقـض تحمـل قـوة المدفعيـه
وأدق بغض أحيـان وأشـد تاثيـر
وتلتف حـول النقطـه الجوهريـه
بالمعرفه مثـل إلتفـاف المغاويـر
مـات الفقيـد وظلّـت الأم حيّـه
( الملعبه ) تنتج نجـوم ٍ مشاهيـر
لاشـك مهمـا تنجـب العامريـه
صعيب تنجب مثل عبـدالله العيـر
لعـل قبـر ٍ ضـم ذاك الشفـيـه
تستهدفه غـر المـزون المزابيـر
عسى المزون ليا نشـت عقربيـه
تسقيهةمن وبل السحايب شخاتيـر
وعسـى عليـه المـدة البرزخيـه
تمضي وقبره روضة ٍ من نواويـر
في رحمة الرحمـن رب البريـه
اللي رضـاه يبـدل الشـر تبديـل
وعسـى مقـره بالنعيـم البهـيـه
بين الحواري مبهجات الأساريـر
كتبت حق ٍ لأخـو دعجـه عليّـه
وباقي من حقوق الزماله قناطيـر
كتبت تعبير الخـوي عـن خويـه
وعزيت نفسي قبل لا اعزي مطير
الشاعر / ذيب العمودي الشمري
وأمسيت مثل اللي سقط باسفل البير
رجل ٍ ورد له عد بأرض ٍ خليّـه
بس الحمام الراعبـي والعصافيـر
وزل القدم من فوق جـال الركيـه
وهوى من الأعلى مثل هوية الطير
اشعر بضعف الاحرف الابجديـه
ماعـاد تعطينـي معانـي وتعبيـر
في موت عبدالله عريـب السميـه
صاب الشلل عندي جميع التفاكيـر
بـأم الجماجـم صادفتـه المنيـه
أمر ٍ مقدر مـن ولـي المقاديـر
الشاعـر اللـي يملـك الجاذبيـه
تبكي عليـه الملعبـة والجماهيـر
اللـي عليهـا يضفـي القابلـيـه
تتليـه عشّـاق المعانـي طوابيـر
لامن وقف بين الصفـوف القويـه
زاد الحماس وفجر اللعب تفجيـر
تجـي تعابيـره سريـه سـريـه
مثل الدروع مسطحات الجنازيـر
بالنقـض تحمـل قـوة المدفعيـه
وأدق بغض أحيـان وأشـد تاثيـر
وتلتف حـول النقطـه الجوهريـه
بالمعرفه مثـل إلتفـاف المغاويـر
مـات الفقيـد وظلّـت الأم حيّـه
( الملعبه ) تنتج نجـوم ٍ مشاهيـر
لاشـك مهمـا تنجـب العامريـه
صعيب تنجب مثل عبـدالله العيـر
لعـل قبـر ٍ ضـم ذاك الشفـيـه
تستهدفه غـر المـزون المزابيـر
عسى المزون ليا نشـت عقربيـه
تسقيهةمن وبل السحايب شخاتيـر
وعسـى عليـه المـدة البرزخيـه
تمضي وقبره روضة ٍ من نواويـر
في رحمة الرحمـن رب البريـه
اللي رضـاه يبـدل الشـر تبديـل
وعسـى مقـره بالنعيـم البهـيـه
بين الحواري مبهجات الأساريـر
كتبت حق ٍ لأخـو دعجـه عليّـه
وباقي من حقوق الزماله قناطيـر
كتبت تعبير الخـوي عـن خويـه
وعزيت نفسي قبل لا اعزي مطير
الشاعر / ذيب العمودي الشمري