الطعنــه ( لذيب الشمري )

[وليد العمودي]

سامح الله مـن طعنـي وعنـي مـادري
لين ناديته مـن القلـب يسحـب خنجـره
قلت هذي خنجـرك قـال هـذي خنجـري
قلت خذها قـال : دعهـا بقلبـك تذكـره
قلت انا من كل ذنـبٍ عـدا حبـك بـري
قال هذا ذنبـك اللـي عسـى الله يغفـره
قـال أنـا والحمـد لله فـي حبـي ثـري
لي كثير احبـاب غيـرك وهـذي مفخـره
أنت حتى في شعـورك وحبـك عنصـري
من تحبه تضغطـه ضغـط حتـى تخسـره
قلت توك في مجال الغـلا غصنـك طـري
في زمان بـه ضلـوع العفـاف مكسـره
يـوم قلـت أغليـك والله مانـي مفتـري
الغـلا سلطـه عليهـا صعيـب السيطـره
كان حبـي لـك جنونـي ولكـن عبقـري
شفت غيـرك كلبوهـم بظهـر المنظـره
كنت لك مستعمره وأنت حاكـم عسكـري
ما دريت انـك لغيـري بلـدة مستعمـره
قلت حبك غلـف القلـب مهمـا تـزدري
مثل ماهو غلف الحـب عرنـوس الـذره
يا حبيبـي .. ياحبيبـي ويـا مستعمـري
صاحبك في كلمة الشـك قصيـت ظهـره
كنت أعز إنسان في قلب < ذيب الشمري >
في لقـاك ترحـب العيـن قبـل الحنجـره
لكن اخر سهم جانـي فـرا قلبـي فـري
ما شعرت إلا وأنـا فـي حـدود المقبـره
ليل صبري عنـك مظلـم ولكـن ينسـري
اسهـره واسريه وارجـع واعـيـده واسـهـره
سامـح لـك بالمحبـه تبيـع وتشـتـري
واخرتها ترجـع لقلبـي وتلقـاه صخـره
المحبـه كلنـا خلفهـا نـجـري جــري
لكـن إن الحـب بالغصـب مافيـه ثمـره
ارحــل ارحــل بـعـد وش تحـتـري
رحلـة الفرقـا بليـا جــواز وتـذكـره



ذيب الشمري

[فهيد العازمي]

كنت أعز إنسان في قلب < ذيب الشمري >
في لقـاك ترحـب العيـن قبـل الحنجـره
لكن اخر سهم جانـي فـرا قلبـي فـري
ما شعرت إلا وأنـا فـي حـدود المقبـره

الابـــداع يعرف عن نفسه

صح لسان شاعرنا

ولاهنت على القصيدة الرائعه

[شيخة قبيلتها]

السلام عليكم ورحمة الله وبركاته ...

تسلم يمينك اخوي وليــد العمــودي ع النقــل المميــز للابيـــــاااااتــ ...

وصح لسان اخوي الشــاااعــر ذيـــب الشمــــري ...

سامح الله مـن طعنـي وعنـي مـادري
لين ناديته مـن القلـب يسحـب خنجـره
قلت هذي خنجـرك قـال هـذي خنجـري
قلت خذها قـال : دعهـا بقلبـك تذكـره

مع اطيب امنياتي لشخصك الكريم ...

[وليد العمودي]

فهيد
شكرا للحضور ولاهنت

[مشاري الحبيجان]

المحبـه كلنـا خلفهـا نـجـري جــري
لكـن إن الحـب بالغصـب مافيـه ثمـره
ارحــل ارحــل بـعـد وش تحـتـري
رحلـة الفرقـا بليـا جــواز وتـذكـره

قصيده رائعه من شاعر رائع
وانا احد الاشخاص الذين تعلمو من ذيب الشمري
اصول الشعر
كل الشكر على هذا النقل الطيب
تقبل مروري المتواضع

[وليد العمودي]

شيخه صح بدنك ولاهنتي وشكرا لك

[محد فاهمه]

سامح الله مـن طعنـي وعنـي مـادري
لين ناديته مـن القلـب يسحـب خنجـره
قلت هذي خنجـرك قـال هـذي خنجـري
قلت خذها قـال : دعهـا بقلبـك تذكـره

روعة ياذيب ولاهي غريبه عليك

أنا معجب بذيب من زمان ,وزاد إعجابي إلى منتهاه من خلال هذه النفيسة التي لا يصوغها إلا ذيب ومن كان في مستواه الرفيع ,فعلا بنيت القصيدة بخبرة عالية وتمكن شعري ونابعة من إحساس وموقف , يستطيع المتلقي أن يشعر بها ويعيشها.
القصيدة فيها صور لم تطرق من قبل وهي كثيرة في النص ,علاوة على الصياغة الشاعرية الفذة والترابط الوطيد بين أجزاءها المتقاربة جدا من بعضها البعض.
وأشكر أخوي وليد الذي استخرج لنا هذه الجوهره من صناديق جواهر العمودي ذيب ,راجيا من وليد أن يعيد الكره ويمتعنا ويتحفنا بمثل هذه الدره النادرة.
والشكر موصول للجميع
مع تحياتي للموقع الجميل

[وليد العمودي]

المحبـه كلنـا خلفهـا نـجـري جــري
لكـن إن الحـب بالغصـب مافيـه ثمـره
ارحــل ارحــل بـعـد وش تحـتـري
رحلـة الفرقـا بليـا جــواز وتـذكـره

قصيده رائعه من شاعر رائع
وانا احد الاشخاص الذين تعلمو من ذيب الشمري
اصول الشعر
كل الشكر على هذا النقل الطيب
تقبل مروري المتواضع

مشاري صح لدنك وانت شاعر لاغبار عليك والنعم فيك وفي الحبيجان
واليوم نزلت لك قصيده في جريدة الوطن ياسلام عليك وصح لسااااانك

[العنزي]

شـكــ وبارك الله فيك ـــرا لك ... لك مني أجمل تحية .

[وليد العمودي]

محد فاهمه
صح بدنك وحضورك زاد النور نور
وشكرا على المديح والكلام والعبارات الجميله التي لاتخرج الا من جميل
لاهنت ويعطيك العافيه وماعليك زود

[سناعيس]

شـكــ وبارك الله فيك ـــرا لك ... لك مني أجمل تحية